Marr shkak nga nje prej fenomeneve me te diskutueshme ne boten e botimeve fetare per te trajtuar nje teme qe cenon drejtperdrejt te verteten e Ungjillit. Flasim per te ashtuquajturen “Queen James Bible”, nje botim i vitit 2012 qe paraqitet si nje “version i reformuar”, por qe ne fakt ndryshon ne menyre arbitrare Fjalen e Perendise.

Nese analizojme strukturen e saj, shohim se kjo biblen nuk vjen si rezultat i nje studimi shkencor ateologjik nga doreshkrimet origjinale hebraike dhe greke. Krijuesit e saj thjesht marrin tekstin klasik “King James Version (KJV)” te vitit 1611 dhe nderhyjne ne menyre te qellimshme ne vetem 8 vargje te vecanta. Teksti modifikohet vetem ne ato pasazhe qe flasin kunder praktikave homoseksuale, duke u munduar ti jape atyre nje interpretim te ri apo duke i fshire plotesisht.

Me poshte, jane rastet ku teksti ndryshohet hapur per te paraqite kete botim:

1. Zanafilla 19:5: Ndryshohet kuptimi i fjales “me i njohur” te historia e Sodomes, duke e paraqitur sikur banoret thjesht kerkonin ti pyesnin vizitoret e huaj, e jo te kryenin dhunim apo akt seksual. Te mos harrojme se ketu flitet per perdhunim homoseksualitetin, por qe ne biblen e re “zbutet” kjo pjese.
2. Levitiku 18:22: Tekstit i shtohet pa te drejte togfjaleshi “ne tempullin e Molokut”, duke u perpjekur ta kufizoje ndalimin e homoseksualitetit vetem te idhujtaria pagane ne nje kohe dhe shoqeri te caktuar.
3. Levitiku 20:13: Shtohet perseri e njejta klauzole pagane per te mbuluar ndalimin e aktit vetem ne disa rrethana apo shoqeri te caktuara.
4. Romaket 1:26: Ndryshohet formulimi per ta paraqitur problemin jo si marredhenie mes se njejtes gjini, por si rregullim ritual pagan.
5. Romaket 1:27: Rishkruhet fjalia per te pretenduar se denohet vetem shthurja e tepert mes meshkujve, e jo akti mes dy meshkujve.
6. 1 Korintasve 6:9-10: Termat origjinale greke “malakoi” dhe “arsenokoitai” zevendesohen me shprehjen e pergjithshme “te dobet moralisht”, duke fshire cdo reference direkte me homoseksualitetin.
7. 1 Timoteut 1:10: Fjala per homoseksualitetin zevendesohet me terma qe i referohen vetem prostitucionit ose abuzimit.
8. Juda 1:7: Frazes “mish i huaj” i jepet nje kuptim i ri, duke pretenduar se mekati i Sodomes lidhej vetem me deshiriming e engjejve dhe jo me aktet seksuale.

Duhet theksuar me force se kjo menyre veprimi bie teresisht ndesh me rrugen e Jezus Krishtit. Jezusi na meson se e verteta e cliron njeriun, por kjo e vertete kerkon pendim, transformim dhe perulesi para Fjales se Perendise. Jezusi vjen ne bote jo per te rishkruar Ligjin sipas te tekave tona, por per ta permbushur ate dhe per te na shpetuar nga mekati.

Kur marrim te drejten per te fshire apo per te ndryshuar vargjet e Bibles sipas idese tone, e vendosim veten mbi autoritetin e Zotit. Kjo nuk eshte dashuri dhe as rruga e Jezusit. Jezusi na therret te leme jeten e vjeter e te ecim ne te verteten e Tij, jo te ndryshojme Fjalen e Tij per te arsyetuar jeten tone. Vetem Ungjilli i vertete na jep falje, shprese dhe jete te re!